多年前首次參加公開觀星營(唔計小中學時代學校搞既), 係去荔枝莊, 都係一日一班船, 唔似長洲咁方便, 隨街有野食, 當時以為荔枝莊有士多實有野食買, 唔洗帶食物去, 只帶幾排糖...點知去到, 唔記得果時係小食部裝修定其他地方裝修, 小食部無野食賣!!! 只係得番汽水機! 朋友們同我都好擔心夜晚無野食, 叫大家攞哂 d 食既出黎! 睇下夠唔夠! 當然唔夠啦! 那時唔知食晚飯時間又咁早! 六點食喎! 我地唯有起晚飯食多d!
之後, 返房睇電視, 睇到九點幾咁上下, 大家開始有餓意...剛巧, 電視放緊飲食節目! 唉...真係...令到大家更加肚餓! 為了鼓勵大家, 我便"精神上"支持大家, 大喊我想食 xx 粥, 腸粉...跟著, 朋友們一個一個的接下去大喊想食 xxx...就咁大家無咁餓喇...只係食糖同飲汽水"充飢"!
從此以後, 每次去觀星營, 我必定會帶很多零食, 忘不了那次去荔枝莊既教訓! 所以唔好笑我點解每次去觀星營我都帶一袋零食!
阿Gem 在上文講得啱, 食物好珍貴, 自己顧自己! |