請教關於帶儀器從深圳入大陸

newcanon

8月我會連同其他同好到內蒙睇星，以前一直從香港機場出發，無風無浪，今次因為航班問題，需要改變路線。
現在我正在評估經深圳或者廣州飛內蒙的過關風險。

經過０９日全食，各路英雄帶鏡入關，應該勿野關口都闖過，很想聽聽大家的意見。

apo

你地上次陰那山有幾多人? 今次係四五十人, 仲要係要撘飛機, 遇麻煩機會高好多~

funoooo

上次一班兄弟上陰拿山，沒有事播。其中一人被，問了两句就全部放行。:icon_eek

apo

諗住帶得多野最好少 d 番大陸...
去其他地方較少出現此類問題.

passerby-b

原帖由 panda 於 2010-6-17 20:31 發表
好似B哥咁
個關員有的良心,會主動叫你去登記
真係同人唔同命:g18

冇呀﹗個個關員都叫我登記算數。後來仲有人敎我出境登記，咁咪番來取消，枝鏡咪放係深圳lor
經過幾次，又有人敎我，登記咗唔洗一定下一次出境就要帶枝鏡出去，一兩個星期之後帶都得，咁我就鬆哂啦，登記咗咪勸力d影雀lor。
我諗有樣嘢，帶dd嘢過關，最好主動去照X光，等佢哋覺得你唔似想摶過咗關攞去賣。

apo

原帖由 panda 於 2010-6-18 08:20 發表
我想可以有幾手準備:
1: 如newcanon 你所言:每人附上一封邀請信
2. 主動去登記(要預備充足時間),若要填寫價格,盡量填少一點吧
3. 帶貴會的會刊或者或與內地交流的刊物或相關資料
4.提前向關海關打個招呼:g19 ...

還有更好的建議, 就是盡量少帶一點器材, 可以減少過關麻煩, 行程亦變得更輕鬆, 多點用眼睛觀賞收獲更大...
帶眼睛過關是不用申報的....

panda

我想可以有幾手準備:
1: 如newcanon 你所言:每人附上一封邀請信
2. 主動去登記(要預備充足時間),若要填寫價格,盡量填少一點吧
3. 帶貴會的會刊或者或與內地交流的刊物或相關資料
4.提前向關海關打個招呼:g19

Maverick

我係羅湖同皇崗過次次主動去照X光，跟住叫我過去開件行李比佢睇下，問兩句就放行。
如果有張機票比佢睇就更無問題。

newcanon

謝謝各路英雄的資訊。
我就係知道祖國官員辦事沒有標準，又聽過要留下買路錢，所以需要問清楚Ｄ
就算一兩個人遇到阻滯，一團人都會企左係度，我們幾十人，中招的機會幾大

puppymic

原來都好煩下，你地去日蝕團就話有邀請信，我地幾個自己去影雀，都唔會有呢d信

cam

我上次去新疆睇日蝕, 行西部通道, 過深圳灣口岸, 關員要我支 328 打稅, 我話自用, 要求報關登記, 佢又話我可能賣咗支鏡, 由第二關口走, 唔俾我登記, 最後擾攘一輪, 突然醒起本日蝕行程書, 搵到個名單, 當然有我個名, 俾佢睇吓, 再講一暈, 最後佢嫌我煩, 俾我過關.  

panda

好似B哥咁
個關員有的良心,會主動叫你去登記
真係同人唔同命:g18

panda

幾年前去深圳拍星, 帶上P2Z+ Sk90上去就給海關給截住
要留下買路錢(打原價的10%稅)才放行,
事後我要求填寫報關表,回來時若我沒有帶相關器材回來,你就收我的東西吧,但他們不給
說只有兩個選擇:
1.打稅
2. 先寄存在他們那,回來再取
若選2,我很擔心回來會見到一堆碎玻璃, 再加上是和朋友一起上去, 不能誤了行程, 結果唯有給錢:hit2
當時我報總價5千元,雖然他有點懷疑,但見有 "獎金"收,也就算了
結果我花了500元替我的那套器材買了一張通行證:g10
我的看法是:  打不打稅,收不收錢,視乎當時那個關員的心情和做法
但願現在的關員和制度都能文明一點吧

cosmos

福田口岸最少人過關，所以最多時間摷你啲行李；落馬洲口岸次之；羅湖口岸每日有二十萬人次，咁多人過關，係各個中國口岸之冠，而且班水貨客，一日過幾次關，唔駛著制服都比人認得啦

passerby-b

最近幾個月，我經常揹枝大炮上上落落，唔知d經驗對你哋有冇用。
第一次過黃岡，照完X光，佢要我登記。登記即係要你出關之時，要帶番同一件物件出境，証明你冇賣到。
手續其實好簡單，唔好諗得咁大件事。唔係水貨佬，又唔係攞件嘢去賣，登記咪登記lor。
佢有咗我ge記錄之後，以後過關就冇咩嘢，最多問吓你枝鏡頭影乜，貴唔貴呀。最近我懷疑佢哋已經認得我，好多時我自己去照完X光，佢哋當冇嘢睇到。
至於羅湖，我經過咁多次，連X光都唔照，冇人理過我，掂行掂過，反而捉水貨客捉得好嚴。
建議不要經福田口岸，因為我經3 個口岸，最大驚小怪的是這個，好少嘢都查一輪，而且效率又低