講起呢件 Skymemo 就.... 
買左番黎幾年都未用過, 後尾諗住清倉出讓俾同好, 最後俾人退貨...
跟住..冇眼睇, 又冇時間理佢, 跟住...退番俾日本叫佢跟跟..
跟住等左好耐, 佢話有乜乜有物物問題, 同我換晒摩打, 電路板..等等... 加埋運費 charge 左我 HKD 3,200.... 
跟住又放低左好耐, 等到一晚我又得閒又有好天去左北潭涌試...結果我自已都唔收貨....
跟住表達不滿, 要求佢地寄番所謂壞左既零件俾我...點知收到所謂壞零件之後一試, 跟佢換左既係完全冇分別兩套野都係一日會快左 30 分鐘左右...
跟住同日本投訴, 點知佢話再修理要再收錢... :icon_fire :icon_fire
跟住又掉埋一邊過左好耐, 都係唔順氣, 再投訴話件野買番黎未正常運行過.... 隔左幾個星期廠方話願意免費再檢查, 我祗需付寄日本郵資...
跟住隔左一個月, 剛剛日本海潚後幾日, 竟然日本寄番件野俾我..
跟住嚮屋企試行左幾晚, mark 低 tracking 時間睇左幾日都正常番晒...試過另一塊所謂壞板都正常.. 我估佢地換左條有問題既蝸杆
跟住....反正放左咁耐, 又冇好天拎出去用, 花左幾個鐘時間同佢加番個單軸 auto guide 落去, 不過因為佢電路 common 係 + 極, QHY-5 之類既 ST4 port 唔可以直推, 要加番兩隻 Normal Open 既 relay 先 ok, 不過又唔想攪到線路太複雜, 後尾決定用兩隻 500 ohm 既磁簧管 relay, 大概 10mA 電流就可以推動, 加埋顯示 LED 都可以用 QHY-5 直推..
順手嚮原來線路板供電度串多一粒 2A 整流子(藍色果粒), 既可以輸入 7.2V 時降低 0.6V 左右電壓, 又可以避免唔小心反轉電源極向時燒毀零件.
|
發表於 2011-3-28 00:44
| 
